P13: Facer ciencia coas letras
Roque/Redacción XuvenCiencia Magacine
Os participantes de Facer ciencia coas letras tiveron a oportunidade de traballar nun lugar tan fascinante como o Arquivo Histórico de Lugo. Os xuvencientíficos foron capaces de recuperar documentos en mal estado, investigar sobre crimes do pasado ou averiguar cales eran os castigos que se impoñían aos delincuentes hai moitos anos. Deste xeito, averiguaron de primeira man a importancia de aplicar o método científico para coñecer a historia.
