P08. A vida na clínica veterinaria

(LCC) Redacción XuvenCiencia

A vida dun veterinario pode ser moito máis dura do que parece e así o están comprobando as nosas compañeiras do grupo P08 Veterinarias en apuros do Campus de Verán XuvenCiencia 2023.

As futuras veterinarias do grupo están coñecendo algunhos ambitos do gran abano que ofrece a medicina veterinaria. Dende asistir a unha cirurxía dende o quirófano e colaborar en pequenas cousas como inxectar diferentes substancias ou mesmo intubar un can ata colaborar pasando un día na clínica atendendo os cánidos e axudando a facer radiografías. Todo, sen esquecer a parte máis científica, facendo experimentos no laboratorio para introducirse na identificación de bacterias de pequenas mostras caninas.

Ten pinta que os nosos futuras xuvenveterinarias van ser todas unhas expertas, xa que o están pasando estremademente ben.