O Grupo 8 gana a xincana de apertura de XuvenCiencia 2025
As actividades do XuvenCiencia 2025 comezaron este luns coa tradicional xincana polos diferentes centros do Campus de Lugo. Os nosos xuvencientíficos dividíronse en oito grupos e botáronse a andar para completar o percorrido, nun amistoso pero altamente competitivo itinerario, no que puxeron a proba as súas habilidades de orientación, coñecemento multidisciplinar e aptitudes lingüísticas.
O Grupo 8 resultou gañador da xincana con 82,5 puntos, nunha actividade que contou co apoio do Centro de Linguas Modernas e a Biblioteca Intercentros.
